Dah hasten van de redactie van het boeksje van 'Top Gear Magazine',
Ik zoen e ki e twa willn zehhn. Ik leezn eht vree hern junder boeksje. K moen ik doar oltid vree mee lahn, me wa da junder sjhrievn. De fottos vien kik ook hillehangs de max. A kik me boeksje mee pakn no t werk, ton lahn wieder ollemolle me junder geziëver. k woaren ik vree content ok zaahn stoan da junder e 'cosmeticaspecial' zoen doen. Kan ik gepeist an e stiksje over spoilers e bodykits en ol.
Amai me ratje. verzekers wel dat hieng over spoiler. T was eht over parfum e crémetjes en ol. Alle how zeg. K zien ik hin Jeanette é. E min moaten ook ni. Je zie gie zekers ni hoed? Ken ik me up t werk eht vree belahlijk gemakt. 'Hie wuuf' zeien ze tehen ik.
Oi ni mi wit wa daj moe sjhrieven, zet der ton e fotto in van e bloat wuuf of azo. Mo toh ni van parfum. Alle zeh. Mo zet er nu ook ni alleine mo bloate wuven in é. O me vrouwe da zoe zieën, k zoen t meuhen oaren!
Doe heweun e ki heweune asjeblieëf.
Stevihe Hroet,
Marco
Geen opmerkingen:
Een reactie posten